پشاور: (دنیا نیوز) پشاور میں پولیس نے کارروائی کے دوران مغوی طالب علم کو بحفاظت بازیاب کراتے ہوئے تین اغواء کاروں کو گرفتار کر لیا۔
پولیس کے مطابق حیات آباد کے علاقے سے چند روز قبل ایک کروڑ روپے تاوان کے لئے طالب علم کو اغواء کیا گیا تھا، جدید خطوط پر تفتیش کے دوران کارروائی کی گئی جس کے دوران اغوا ہونے والے مغوی طالب علم کو بحفاظت بازیاب کرایا گیا، کارروائی کے دوران 3 اغواء کار گرفتار ہوئے۔ گرفتار ملزمان کا تعلق منظم بین الصوبائی اسمگلرگروہ سے ہے
اغوا کار واٹس ایپ کے ذریعے ایک کروڑ روپے کا مطالبہ کر رہے تھے، گروہ کے دیگر ارکان کی گرفتاری کے لئے اے ایس پی حیات آباد کی سربراہی میں خصوصی ٹیم تشکیل دی گئی۔
دوسری کارروائی میں زیورات چوری کرنے والا ملزم بھی گرفتار ہوا، ملزم نے طلائی زیورات چوری کرنے کے بعد اونے پونے داموں فروخت کئے تھے، ملزم سے زیورات کےعوض حاصل ہونے والے18 لاکھ روپے برآمد ہوئے۔
