کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں 43 کلو سے زائد منشیات برآمد کرلیں۔
اے این ایف ترجمان نے بتایا کہ اینٹی نارکوٹکس فورس نے 6 مختلف کارروائیوں میں 43.3 کلوگرام منشیات برآمد کر کے 11 ملزمان کو گرفتار کیا، کارروائیاں سیالکوٹ، کوئٹہ، اسلام آباد اور چکوال میں کی گئیں۔
ترجمان نے بتایا کہ کارروائیوں کے دوران 38 کلو 200 گرام چرس ،5 کلو آئس برآمد ہوئی، گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔
