کراچی: (دنیا نیوز) اینٹی نارکوٹکس فورس (اے این ایف) نے 7 مختلف کارروائیوں میں بھاری مقدار میں منشیات برآمد کر کے 6 ملزمان گرفتار کر لئے۔
ترجمان اے این ایف کے مطابق کارروائیاں لاہور، اسلام آباد، شیخوپورہ، جہلم، کراچی اور اٹک میں کی گئیں۔
حکام کا کہنا ہے کہ کارروائی کے دوران ملزمان سے 52.185 کلو گرام منشیات برآمد کی گئی جس میں 50 کلو 100 گرام چرس، ایک کلو 30 گرام ہیروئن، ایک کلو 30 گرام آئس اور 25 گرام کوکین شامل ہے۔
ترجمان کا کہنا ہے کہ گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے۔
