کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں 55 کلو سے زائد منشیات برآمد کر لی۔
اے این ایف ترجمان نے بتایا کہ اینٹی نارکوٹکس فورس نے 3 کارروائیوں میں 55.200 کلو گرام منشیات برآمد کر کے 6 ملزمان لو گرفتار کیا ، کارروائیاں پنجگور،اسلام آباد اور سیالکوٹ میں کی گئیں۔
ترجمان نے بتایا کہ کارروائیوں میں 49 کلو 200 گرام چرس،3.6 کلو گرام افیون، 550 گرام افیون، 1.5 کلو گرام آئس اور 440 عدد نشہ آور گولیاں برآمد ہوئیں، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
