کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں بھاری مقدار میں منشیات برآمد کر کے 6 ملزمان گرفتار کر لئے۔
ترجمان اے این ایف کے مطابق کارروائیاں مانسہرہ، کراچی، لاہور، ملتان اور جمرود میں کی گئیں۔
حکام کا کہنا ہے کہ 5 مختلف کارروائیوں میں 66.464 کلو گرام منشیات پکڑی گئی، برآمد ہونے والی منشیات میں 34 کلو 500 گرام چرس، 16 کلو ہیروئن، 12 کلو افیون، 3 کلو 964 گرام آئس شامل ہے۔
ترجمان کے مطابق گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر لئے گئے۔
