کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں منشیات برآمد کر کے خاتون سمیت 9 ملزمان گرفتار کر لئے۔
ترجمان اے این ایف کے مطابق کارروائیاں پشاور، لاہور، اسلام آباد، حیدرآباد، ڈی جی خان اور کیچ میں کی گئیں۔
حکام کا کہنا ہے کہ 8 مختلف کارروائیوں میں 77.271 کلوگرام منشیات برآمد کی گئی، پکڑی گئی منشیات میں 47 کلو 600 گرام آئس، 20 کلو 900 گرام چرس، 8 کلوگرام ہیروئن، 600 ایکسٹسی گولیاں، 436 گرام وزنی آئس بھرے 72 کیپسولز شامل ہیں۔
ترجمان کے مطابق گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
