کراچی: (دنیا نیوز) اینٹی نارکوٹکس فورس (اے این ایف) نے کارروائی کر کے افغان باشندے سمیت 5 ملزمان گرفتار کر لئے۔
ترجمان اے این ایف کے مطابق کارروائیاں کوئٹہ اور سیالکوٹ میں کی گئیں۔
حکام کا کہنا ہے کہ 3 مختلف کارروائیوں میں 49 کلوگرام منشیات برآمد کر کے افغان باشندے سمیت 5 ملزمان گرفتار کر لئے گئے، پکڑی گئی منشیات میں 43 کلوگرام افیون، 4 کلوگرام چرس، 2 کلوگرام آئس شامل ہے۔
ترجمان کے مطابق گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
