حیدرآباد: (ویب ڈیسک) حیدر آباد میں پولیس مقابلہ کے دوران سٹریٹ کرائم میں ملوث ملزم زخمی حالت میں پکڑا گیا جبکہ 2 فرار ہونے میں کامیاب ہوگئے۔
پولیس ترجمان کے مطابق ملزموں سے مقابلہ کیٹل کالونی لنک روڈ پر ہوا، گرفتار زخمی ملزم کی شناخت اللہ جڑیو ماچھی کے نام سے ہوئی ہے، ملزم کے قبضے سے ایک مسروقہ موٹر سائیکل اور پسٹل بمعہ گولیاں برآمد کر لی گئیں، برآمد شدہ موٹر سائیکل سجاد علی نامی شہری سے 28 مئی کو چھینی گئی تھی، جس کا مقدمہ بھی درج ہے۔
ترجمان پولیس نے مزید بتایا کہ گرفتار ملزم اور اس کا گروہ حیدرآباد کے مختلف تھانوں کی حدود میں سٹریٹ کرائم کی متعدد وارداتوں میں ملوث رہا ہے، جن کی مزید تفتیش جاری ہے، فرار ہونے والے ملزمان کی تلاش کے لئے علاقے میں سرچ آپریشن کیا جا رہا ہے۔
