کراچی: (دنیا نیوز) شہر قائد میں سائٹ کے علاقے ولیکا گراؤنڈ کے قریب پولیس مقابلے کے دوران 2 ڈاکو مارے گئے۔
ڈاکوؤں کے ساتھ مقابلہ سائٹ اے تھانے کی حدود میں پیش آیا، جہاں ولیکا مسجد کے قریب 2 طرفہ فائرنگ کے تبادلے کے دوران 2 ڈاکو مارے گئے۔
پولیس ذرائع کے مطابق ہلاک ملزمان شہری سے لوٹ مار کی کوشش کررہے تھے اور پولیس کے پہنچتے ہی انہوں نے فائرنگ شروع کردی تاہم پولیس کی جوابی کارروائی میں ڈاکو ہلاک ہو گئے۔
پولیس کا کہنا ہے کہ دونوں ہلاک ملزمان کی تاحال شناخت نہیں ہو سکی، ملزمان کے حوالے سے تفتیش جاری ہے جبکہ لاشوں کو ضابطے کی کارروائی کے لیے سول ہسپتال منتقل کردیا گیا ہے۔
