کراچی: (دنیا نیوز) کراچی میں آپریشن کے دوران کالعدم تنظیم کے 2 تربیت یافتہ دہشتگرد گرفتار کر لئے گئے۔
کراچی میں محکمہ انسداد دہشت گردی (سی ٹی ڈی)، وفاقی حساس ادارے اور پولیس کی مشترکہ کارروائی کے دوران منگھوپیر سے کالعدم تنظیم فتنہ الخوارج سے تعلق رکھنے والے دو خطرناک دہشت گردوں کو حراست میں لیا گیا۔
سی ٹی ڈی سندھ کے ترجمان کے مطابق انٹیلی جنس بیسڈ آپریشن کے دوران گرفتار کئے گئے دہشت گردوں کی شناخت عبدالوکیل اور اجمل کے نام سے ہوئی ہے، جن کا تعلق کالعدم ٹی ٹی پی سے ہے۔
ترجمان نے مزید بتایا کہ دونوں ملزم افغانستان کے معروف عسکری کیمپ سے تربیت یافتہ ہیں اور انتہائی مطلوب شدت پسند شریف اللہ کے قریبی ساتھی ہیں، دونوں کا تعلق قلعہ عبداللہ بلوچستان سے ہے۔
