کراچی: ڈکیتی مزاحمت پر ایک اور شہری جاں بحق، مشتعل افراد نے ڈاکو مار دیا

کراچی: (دنیا نیوز) کراچی میں ڈکیتی مزاحمت پر ایک اور شہری جان کی بازی ہار گیا۔

کورنگی میں ڈاکوؤں کی فائرنگ سے زخمی شہری دم توڑ گیا، دو ڈاکو شہریوں کے ہتھے چڑھ گئے، مشتعل افراد نے ملزموں پر تشدد کیا، ایک ڈاکو ہلاک جبکہ دوسرا شدید زخمی ہوگیا۔

واقعہ کی اطلاع پر پولیس کی بھاری نفری اور امدادی ٹیمیں بھی موقع پر پہنچ گئیں، ہلاک ہونے والے ڈاکو کی لاش کو ہسپتال منتقل کر دیا گیا جبکہ تیسرے فرار ڈاکو کی تلاش شروع کردی گئی۔