کراچی: (دنیا نیوز) اینٹی نارکوٹکس فورس (اے این ایف) کا منشیات سمگلنگ کے خلاف کریک ڈاؤن جاری ہے۔
ترجمان اے این ایف کے مطابق 11 مختلف کارروائیوں کے دوران 49.673 کلوگرام منشیات برآمد کر کے خاتون سمیت 11 ملزمان گرفتار کر لئے گئے، کارروائیاں اسلام آباد، لاہور، راولپنڈی، کراچی، پشاور اور کوئٹہ میں کی گئیں۔
حکام کا کہنا ہے کہ کارروائیوں کے دوران 19 کلو 957 گرام آئس، 17 کلو چرس، 7 کلو 154 گرام افیون، 5 کلو ہیروئن، 378 گرام کوکین، 84 گرام ہیروئن بھرے کیپسولز برآمد کئے گئے ہیں۔
ترجمان کے مطابق گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر لئے گئے۔
