کراچی میں پولیس مقابلہ، ایک ڈاکو زخمی حالت میں گرفتار، ساتھی فرار

کراچی: (ویب ڈیسک) کراچی میں پولیس مقابلے کے دوران ایک ڈاکو کو زخمی حالت میں گرفتار کر لیا گیا جبکہ اس کا ساتھی فرار ہونے میں کامیاب ہوگیا۔

پولیس نے شاہراہ نورجہاں نارتھ ناظم آباد بلاک ٹی میں کارروائی کی، پولیس کے مطابق زخمی ڈاکو کی شناخت محمد یوسف کے نام سے ہوئی ہے جسے ابتدائی طبی امداد کے لئے ہسپتال منتقل کر دیا گیا ہے، ملزم کے قبضے سے اسلحہ، گولیاں اور دیگر مشکوک سامان بھی برآمد ہوا ہے۔

پولیس حکام نے مزید بتایا کہ گرفتار ملزم کا ساتھی جس کی شناخت اعظم خان عرف ولی بابر کے نام سے کی گئی ہے تاریکی کا فائدہ اٹھاتے ہوئے موقع سے فرار ہوا جسے پکڑنے کیلئے کارروائی شروع کر دی گئی۔