لاہور: (دنیا نیوز) سی سی ڈی کا ایک اور مبینہ مقابلہ، زیر حراست 2 ملزمان مارے گئے۔
سی سی ڈی پولیس کا کہنا ہے کہ مارے گئے ملزمان میں غلام مصطفیٰ اور عاصم شفیق شامل ہیں، دونوں ملزمان زیر حراست تھے، ملزمان کو نشاندہی کیلئے سگیاں لے کر گئے، اس دوران ملزمان کے ساتھیوں نے پولیس پر فائرنگ کر دی۔
حکام کے مطابق دونوں ڈاکو اپنے ہی ساتھیوں کی فائرنگ سے ہلاک ہوگئے۔
پولیس ذرائع کے مطابق مبینہ مقابلہ سی سی ڈی کوتوالی کے ساتھ ہوا، مارے گئے ملزمان سابقہ ریکارڈ یافتہ ہیں جو ڈکیتی، راہزنی، سمیت سنگین وارداتوں میں ملوث تھے۔
