کراچی: (دنیا نیوز) اینٹی نارکوٹکس فورس (اے این ایف) کی جانب سے منشیات فروشوں کے خلاف آپریشن کا سلسلہ جاری ہے۔
ترجمان کے مطابق اے این ایف نے 6 کارروائیوں کے دوران 150 کلوگرام منشیات برآمد کر کے خاتون سمیت 4 ملزمان گرفتار کر لئے، کارروائیاں کراچی، اٹک، اسلام آباد، ڈی آئی خان اور ضلع لورالائی میں کی گئیں۔
حکام کا کہنا ہے کہ کارروائی کے دوران 120 کلوگرام بھنگ، 22 کلو گرام چرس، 8.320 کلو گرام آئس اور ایک کلو مشکوک کیمیائی مواد برآمد کیا گیا۔
ترجمان کے مطابق ملزمان کو گرفتار کر کے انسداد منشیات ایکٹ 1997 کے تحت مقدمات درج کر لئے گئے ہیں۔
