نارووال: (ویب ڈیسک) نارووال ایک نواحی گاؤں میں نویں جماعت کا ایک طالبعلم گھر سے پستول لے کر سکول آ گیا جہاں گولیاں چلنے سے 3 طلبہ زخمی ہوگئے۔
یہ تشویشناک واقعہ ضلع نارووال کے نواحی علاقے علی آباد میں پیش آیا، بچے جب پستول کے ساتھ شرارتیں کر رہے تھے تو اس دوران اچانک گولیاں چل گئیں، پولیس نے فائرنگ کرنے والے طالبعلم کو حراست میں لے کر پستول برآمد کرلیا ہے۔
پولیس کا کہنا ہے کہ پستول لڑکے کے والد کا ہے، طالبعلم اور سکول پرنسپل کے خلاف مقدمہ درج کرکے تفتیش شروع کر دی ہے جبکہ ڈپٹی کمشنر کا کہنا ہے کہ فائرنگ کا واقعہ سکول انتظامیہ کی غفلت سے پیش آیا، نجی سکول کو سیل کرکے تدریسی عمل روک دیا گیا۔
