بالی وڈ اداکار سنجے دت نے اپنی زندگی پر لکھی گئی کتاب "سنجے دت: ان کہی کہانی" کے مصنف کو قانونی نوٹس بھجوا دیا۔ سجنے دت کا کہنا تھا کہ کتاب کےمصنف یاسر عثمان کو ان کی زندگی سے متعلق کتاب شائع کرنے اور کتاب میں ان کی زندگی سے متعلق غلط حقائق پیش کرنے پر قانونی نوٹس جاری کیا گیا ہے۔ بھارت کے نامور مصنف یاسر عثمان نے سنجے دت کی زندگی پر لکھی گئی کتاب میں ان کی گزشتہ زندگی کے تمام رازوں سے پردہ اٹھایا ہے۔
کتاب میں پیش کیے گئے حقائق سے سنجے دت برہم ہوگے اور انہوں نے مصنف اورکتاب چھاپنے والے ادارے کو قانونی نوٹس بھجوایا ہے۔ سماجی رابطوں کی ویب سائٹ ٹوئٹر پر معروف اداکار سنجے دت نے لکھا کہ یاسر عثمان اور جگرناتھ پبلی کیشنز کو ان کی سوانح حیات لکھنے کا اختیار نہیں، جس کی وجہ سے قانونی نوٹس جاری کیا گیا ہے۔
I hope better sense will prevail and there will be no further excerpts that will hurt me or my family. My official autobiography will be out soon which will be authentic and based on facts. pic.twitter.com/iOiazTRc6n
— Sanjay Dutt (@duttsanjay) March 20, 2018
دوسری جانب جگرناتھ پبلی کیشنز کی جانب سے کہا گیا ہے کہ کتاب میں لکھا گیا مواد مستند اور مصدقہ ذرائع سے لیا گیا ہے۔
