لاس اینجلس: (آن لائن) ریسلنگ کے نامور سٹار جان سینا اور ان کی منگیتر نکی بیلا نے شادی سے صرف ایک ماہ قبل علیحدگی اختیار کر لی ہے۔ دونوں سٹارز گزشتہ 6 سالوں سے ایک ساتھ تھے۔
غیر ملکی میڈیا کے مطابق ریسلر نکی بیلا نے اپنے ٹویٹر اکاؤنٹ پر جاری ایک پیغام میں جان سینا کے ساتھ اپنا رشتہ توڑنے کا اعلان کیا۔ ان کا کہنا تھا کہ چھ سال ساتھ رہنے کے بعد جان سینا اور میں نے الگ ہونے کا فیصلہ کر لیا ہے۔ یہ فیصلہ کافی مشکل تھا لیکن ہمارے دلوں میں ایک دوسرے کے لیے عزت اور پیار ہمیشہ رہے گا۔ ہم اپنے مداحوں سے بھی امید کرتے ہیں کہ آپ بھی ہمارے فیصلے کا احترام کریں گے۔
We love you all N pic.twitter.com/ooACLFXeMv
— Nikki & Brie (@BellaTwins) April 16, 2018
حیرت انگیز بات یہ ہے کہ نکی بیلا نے گزشتہ ماہ اپنے انسٹاگرام اکانٹ پر جان سینا کے ساتھ ایک تصویر شیئر کی تھی جس میں وہ دونوں ایک دوسرے کا ہاتھ تھامے ہوئے ہیں، جبکہ نکی نے اس تصویر میں خود کو اور جان سینا کو مسٹر اینڈ مسز لکھا تھا۔ اب تک ان دونوں میں سے کسی نے بھی اس رشتے کو ختم کرنے کی وجہ اپنے مداحوں سے شیئر نہیں کی۔
