ممبئی: (ویب ڈیسک) امیتابھ بچن نے حال ہی میں بھارتی شہر امرتسر میں پیش آنے والے افسوسناک واقعے کے ردعمل میں ویڈیو پیغام جاری کیا جس میں بگ بی کا کہنا تھا کہ آپ 99 بار خوش قسمت ہوسکتے ہیں لیکن 100 ویں مرتبہ آپ کے ساتھ حادثہ پیش آسکتا ہے، لہٰذا اپنی زندگی کے ساتھ لاپرواہی برتنا چھوڑ دیں۔
بالی ووڈ کے شہنشاہ امیتابھ بچن حال ہی میں جاری کیے گئے ویڈیو پیغام میں لوگوں کو اپنی زندگی سے محبت کرنے کا خوبصورت پیغام دیتے نظر آرہے ہیں۔
بالی ووڈ کے بگ بی امیتابھ بچن ویڈیو پیغام میں لوگوں کو زندگی جیسی خوبصورت نعمت کی قدر کرنے کی تلقین کرتے ہوئے کہہ رہے ہیں کہ زندگی ہمیشہ آپ کو موقع نہیں دیتی اسلیے لاپرواہی برتنا چھوڑ دیں۔ اس ویڈیو میں بگ بی نے اپنے بچپن کا بھی ایک واقعہ سنایا کہ جب وہ دو سال کے تھے کس طرح پہلی بار ٹرین کو دیکھ کر دنگ رہ گئے تھے۔ اس کے علاوہ انہوں نے فلم ’’شعلے‘‘اور’’کولی‘‘ کی اسٹیشن پر کی گئی شوٹنگ بھی یاد کرتے ہوئے کہا کہ وہ آج بھی ٹرین میں سفر کرنا چاہتے ہیں لیکن ایسا نہیں کرسکتے۔
واضح رہے کہ امیتابھ بچن نے یہ ویڈیو پیغام حال ہی میں بھارتی شہر امرتسر میں پیش آنے والے افسوسنات واقعے کے ردعمل میں جاری کیا ہے جس میں61 افراد اپنی جان سے ہاتھ دھو بیٹھے تھے۔
