لاہور: (روزنامہ دنیا) بگ باس کے میزبان سلمان خان نے 65 سالہ بھارتی گلوکار انوپ جلوٹا کو پروگرام سے بے دخل کر دیا جسکے بعد انوپ جلوٹا نے پریس کانفرنس کی اور اپنی شاگرد گلوکارہ سے تعلقات کی خبروں اور الزامات کو مسترد کیا۔ قبل ازیں انوپ نے پروگرام ہی میں اعتراف کیا تھا کہ وہ گزشتہ چند سال سے جیسلین میتھیو سے محبت کر رہے ہیں۔
ان کا کہنا تھا کہ میں نے پہلے ہی بیچ پروگرام میں شو سے باہر آنے کا فیصلہ کرلیا تھا کیونکہ انہیں چند میوزک فیسٹیول کرنا تھے۔ پریس کانفرنس کے دوران انوپ جلوٹا نے ان خبروں کی تردید بھی کی کہ انکے اپنی ہی شاگرد گلوکارہ اور خود سے 37 سال کم عمر جیسلین میتھیو سے جسمانی تعلقات ہیں۔
انہوں نے میڈیا نمائندوں کے تند و تیز سوالات کا جواب دیتے ہوئے کہا کہ انکا اپنی شاگرد سے استاد اور طالبعلم والا رشتہ ہے، انوپ جلوٹا کے مطابق ان کے اور جیسلین میتھیو کے درمیان جسمانی نہیں بلکہ روحانی تعلقات ہیں۔
گلوکار کا کہنا تھا وہ تنہائی میں کبھی نہیں ملتے، صرف گانا گانے کیلئے ملتے ہیں، خیال رہے کہ انوپ جلوٹا نے بگ باس 12 کی پہلی ہی قسط میں یہ اعتراف کیا تھا کہ وہ گزشتہ چند سال سے جیسلین میتھیو سے محبت کر رہے ہیں۔
