لاہور: (روزنامہ دنیا) اداکار شان نے پاکستان میں بھارتی فلموں کی نمائش پر پابندی کا خیر مقدم کرتے ہوئے اسے پاکستانی سینما کیلئے ایک اچھا اقدام قرار دیا ہے۔
شان نے پاکستانی حکومت کے اس فیصلے کا خیرمقدم کرتے ہوئے کہا ہے کہ اب آگے بڑھنے کا وقت ہے، دشمن پڑوسی ملک کی فلموں پر انحصار کرنا کبھی بھی ہماری منصوبہ بندی نہیں تھی، ہم نے کبھی بھی اس بات پرانحصار نہیں کیا کہ بھارتی یہاں آئیں اور ہمارے ملک میں سینما بنائیں۔
.jpg)
شان کا کہنا تھا کہ ہم نے اپنے ملک میں اپنے سینما ہاؤسز بنائے، بالکل اسی طرح ہمیں بھارتی فلموں کی پاکستان میں نمائش کے بجائے اپنی خود کی فلمیں بنانی چاہئیں اور انہیں اپنے ملک میں ریلیز کرنا چاہیے۔
واضح رہے کہ اس سے پہلے وفاقی وزیراطلاعات فواد چودھری نے پاکستان میں بھارتی فلموں کی نمائش پر پابندی عائد کرنے کا اعلان کیا تھا
