تازہ ترین
  • بریکنگ :- یونیورسٹی آف صوابی میں 41 طلباکورونامیں مبتلا
  • بریکنگ :- طلباوطالبات کے 260ٹیسٹ کیے،41مثبت آئے،یونیورسٹی رجسٹرار
  • بریکنگ :- صوابی یونیورسٹی آج سے 4فروری تک بندرہےگی،یونیورسٹی رجسٹرار

وزیر اعظم بتائیں کہ آپ کو ووٹ دینا صحیح فیصلہ تھا؟ فہد مصطفی کا سوال

Last Updated On 27 June,2020 07:13 pm

لاہور: (ویب ڈیسک) معروف اداکار فہد مصطفیٰ نے ملک میں بڑھتی ہوئی مہنگائی کو دیکھتے ہوئے وزیر اعظم سے سوال کیا کہ وہ بتائیں کہ آپ کو ووٹ دینا صحیح فیصلہ تھا؟

سماجی رابطے کی ویب سائٹ ٹوئٹر پر فہد مصطفی نے وزیر اعظم کو ٹیگ کرتے ہوئے لکھا کہ سر میں جانتا ہوں کہ ملک چلانا کوئی آسان بات نہیں ہے۔

اداکار نے مزید لکھا کہ وزیراعظم جب اپوزیشن میں تھے تو ہمیں مستقل یہ بتاتے رہے کہ یہ کوئی راکٹ سائنس نہیں ہے، عمران خان کی اس بات کا کیا ہوا؟

فہد مصطفیٰ نے وزیراعظم سے سوال کرتے ہوئے لکھا کہ برائے مہربانی مجھے بتائیں کہ کیا میں نے آپ کو ووٹ دے کرصحیح فیصلہ کیا تھا؟

یاد رہے کہ حکومت کی جانب پیٹرولیم مصنوعات کی قیمتوں میں 25 روپے سے زائد اضافے کا اعلان کے سامنے آتے ہی سوشل میڈیا پر مشہور شخصیات سمیت عام سوشل میڈیا صارفین اپنا ردعمل دے رہے ہیں اور پیٹرول کی قیمت میں اضافے کو ملکی تاریخ کا سب سے بڑا اضافہ قرار دیتے ہوئے حکومت کو سخت تنقید کا نشانہ بنایا جارہا ہے۔