کراچی : (روزنامہ دنیا) ماڈل، اداکارہ اور بیوٹی سیلون کی مالکہ نادیہ حسین درآمدی میک اپ پر پابندی کی وجہ سے مشکل میں پھنس گئیں۔
امپورٹڈ میک اپ پر پابندی کے حوالے سے نادیہ حسین نے کہا ہے کہ ان کا اپنا کاروبار جاری رکھنا اور ملازمین کو تنخواہیں دینا ناممکن ہو گیا ہے۔
سوشل میڈیا پر ایک پوسٹ میں نادیہ حسین نے لکھا کہ ان کاروباروں کا کیا ہوگا جو امپورٹ پر پابندی کے باعث شدید متاثر ہوئے ہیں، ان کے لیے اپنی اور ملازمین کی بقا بھی مسئلہ بن گئی ہے۔
ایک صارف کی تنقید کے جواب میں اداکارہ نادیہ حسین نے کہا کہ میری بنیادی ترجیح میرے ملازمین کی بقا ہے۔
