لاہور: (ویب ڈیسک ) اداکار منیب بٹ نے اہلیہ ایمن خان اور ان کی بہن منال خان کے ساتھ کام نہ کرنے کی وجہ بتا دی۔
اداکار منیب بٹ نے نجی ٹی وی شو میں شرکت کی ، دوران انٹرویو میزبان نے سوال کیا کہ ایمن اور ان کی بہن منال کیساتھ کام نہ کرنے کی وجہ کیا ہے؟ کہا جاتا ہے کہ آپ ایمن اور منال ایک ساتھ کام کرنا چاہتے ہیں لیکن آفر نہیں ملتی اس میں کتنی سچائی ہے۔
جس پر اداکار منیب بٹ نے تردید کرتےہوئے کہا کہ ایسا نہیں ہے دراصل ہم ایک دوسرے کیساتھ کمفرٹ ایبل نہیں رہتے، ہمیں ایک ہی سیریل میں ایک ساتھ کاسٹ کی آفرز ہوئی ہیں لیکن کمفرٹ ایبل نہ ہونے کیوجہ سے ہم ایک ساتھ کام نہیں کرتے۔
منیب بٹ کا مزید کہنا تھا کہ رمضان میں بھی مجھے اورمنال کو ایک سیریل میں کاسٹ کی آفر ہوئی تھی، اس میں، میں نے نہیں بلکہ منال نے انکار کیا تھا کیونکہ اُس وقت دیگر چیزوں کے ساتھ ساتھ رمضان سیریل بھی چل رہے تھے اس لیے ہم نے ساتھ کام نہیں کیا ۔
