لاہور: (ویب ڈیسک) پاکستانی ڈرامہ انڈسٹری کی اداکارہ مریم نور نے بیٹے کی پیدائش کے بعد اپنی فیملی کے ہمراہ عمرے کی سعادت حاصل کر لی۔
اداکارہ نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی ہے جس میں انہیں ان کے شوہر اسماعیل بٹ اور بیٹے کے ساتھ خانہ کعبہ کے سامنے دیکھا جا سکتا ہے۔
ان دنوں یہ جوڑا اپنے بیٹے کے ساتھ عمرہ ادائیگی کے لیے سعودی عرب میں موجود ہے جہاں سے انہوں نے روح پرور مناظر اپنے انسٹا گرام کی زینت بنائے ہیں۔
پوسٹ کے کیپشن میں اداکارہ نے عمرے کی سعادت ملنے پر اللہ کی بارگاہ میں شکرادا کرتے ہوئے لکھا کہ ’’الحمدللہ اس خوبصورت سفر کے لیے اپنے محرم کے ساتھ۔ اس سے زیادہ اور کیا مانگ سکتی ہوں؟ ہر چیز کے لیے اللہ کا شکر۔‘‘
مریم نور کی پوسٹ پر سوشل میڈیا صارفین نے جوڑے کو عمرہ ادائیگی کی ڈھیروں مبارکباد دی ہیں۔
