لاہور: (ویب ڈیسک) فلمسٹار ریشم نے سیلاب سے متاثرہ علاقے قصور کا دورہ کیا اور ضلعی انتظامیہ قصور کے تعاون سے دو مختلف مقامات پر سیلاب زدگان میں راشن تقسیم کیا۔
اداکارہ ریشم نے سب سے پہلے ڈی پی ایس سکول میں قائم فلڈ ریلیف کیمپ کا دورہ کیا جہاں انہوں نے سیلاب متاثرین کے درمیان راشن تقسیم کیا۔
اس موقع پر ضلعی انتظامیہ کے نمائندے بھی ان کے ہمراہ تھے۔
اداکارہ ریشم نے اس کے بعد سرحدی گاؤں شیخوپورہ نو کا بھی دورہ کیا جہاں مزید متاثرین میں راشن تقسیم کیا گیا۔
دوسری طرف گلوکار علی ظفر نے بھی سیلاب متاثرین کے لیے فنڈ ریزنگ شو کرنے کا اعلان کیا ہے۔
