لاہور: (ویب ڈیسک) وزیراعظم عمران خان کے معاون خصوصی ڈاکٹر شہباز گل نے حکومت کی طرف سے عاطف رئیس نامی شخص کے مقدمے ختم کرنے کی خبروں کو جعلی قرار دیدیا۔
تفصیلات کے مطابق سوشل میڈیا پر خبریں چل رہی ہیں کہ وفاقی وزیر علی زیدی کو مبارک ہو ان کے قریبی دوست عاطف رئیس جن کے اسلام آباد گھر وہ رہائش پذیر رہے، وزیراعظم کیساتھ چین لے گئے، واپسی پر پشاور میٹرو کا چودہ ارب کا کنٹریکٹ ملا اب اس کے خلاف فراڈ پر درج ایف آئی اے کا مقدمہ ختم کر دیا گیا ہے۔
سوشل میڈیا پر خبریں چل رہی ہیں کہ جس مقدمے کو ہائیکورٹ نے خارج کرنے سے انکار کیا وزیراعظم عمران خان نے کر دیا، اب آپ کو یقین ہو جانا چاہیے بڑی کمپنیاں، ٹھیکیدار، پراپرٹی ڈیلرز، شوگر ملوں کے مالک،کاروباری لوگ کیوں سیاستدانوں پر مال لگاتے ہیں، لینڈر کروزر لے دیتے ہیں۔ گھرٹھہراتے ہیں تاکہ ٹھیکے لیں۔ فراڈ میں پکڑے جائیں تووہ مقدمے ختم کرائیں، یہ ہےElite Capture جس کا ذکر عمران خان کر رہے ہیں۔
یہ خبر درست نہیں۔ کیبینٹ نے اس کی منظوری نہیں دی۔ pic.twitter.com/RZiklFnxka
— Dr. Shahbaz GiLL (@SHABAZGIL) July 24, 2020
سماجی رابطے کی ویب سائٹ ٹویٹر پر اپنے ایک بیان میں وزیراعظم عمران خان کے معاون خصوصی ڈاکٹر شہباز گل نے ان خبروں کو جعلی قرار دیتے ہوئے کہا کہ وفاقی کابینہ نے اس منظوری نہیں دیا۔
