سرگودھا: (دنیا نیوز) نجی محفل میں پولیس اہلکار کے ڈانس کے معاملے پر ڈی پی او کی جانب سے پولیس اہلکار کو معطل کرنے کی خبر جھوٹی نکلی۔
سماجی رابطے کی ویب سائٹ ٹوئٹر پر پیغام میں کہا گیا کہ سرگودھا پولیس اس خبر اور جھوٹے ٹویٹ کی تردید کرتی ہے نہ تو اس خاتون کا تعلق سرگودھا پولیس سے ہے نہ ہی سرگودہا پولیس کی طرف سے ایسا کوئی ایکشن لیا گیا ہے۔
سرگودہا پولیس اس خبر اور جھوٹے ٹویٹ کی تردید کرتی ہے نہ تو اس خاتون کا تعلق سرگودھا پولیس سے ہے نہ ہی سرگودہا پولیس کی طرف سے ایسا کوئی ایکشن لیا گیا ہے۔
— Sargodha Police (@sargodhapolice) December 14, 2022
یاد رہے کہ کچھ روز قبل سرگودھا پولیس کے نام سے ایک ٹوئٹ جاری ہوئی تھی جس میں کہا گیا تھا کہ نجی محفل میں پولیس کے اہلکار کے ڈانس پر ڈی پی او محمد طارق عزیز نے نوٹس لے لیا اور پولیس اہلکار کو معطل کر دیا گیا ہے۔
اس کی بھی تردید کر دیں؟؟؟ کیا یہ کسی کی نجی زندگی میں دخل اندازی نہیں ہے۔ یہ ایک دن پہلے کی کارروائی ہے؟؟؟ pic.twitter.com/zdYBp0XeIe
— Shoaib Aheer (@ShobiAheer) December 14, 2022
جعلی ٹوئٹ میں کہا گیا تھا کہ ڈی پی او نے معاملہ کی انکوائری اے ایس پی صدر کو کرنے کا حکم دے دیا ہے، انکوائری آفیسر کو 3 دن میں رپورٹ پیش کرنے کا حکم دیا گیا ہے، ڈی پی او کا کہنا تھا کہ پولیس کا کام ایسی سرگرمیوں کی حوصلہ شکنی کرنا ہے۔
ٹوئٹ وائرل ہونے پر سرگودھا پولیس کو تردید جاری کرنا پڑی جس سے خبر جھوٹی ثابت ہوئی۔
