ملک بھر میں کورونا کیسز ایک بار پھر بڑھنے لگے

اسلام آباد: (دنیا نیوز) پاکستان میں گزشتہ 24 گھنٹوں کے دوران کورونا کے 89 مثبت کیسز سامنے آگئے۔

ملک بھر میں ایک بار پھر کورونا کیسز میں اضافہ ہونے لگا ہے ، قومی ادارہ برائے صحت کے مطابق گزشتہ روز 2 ہزار 530 ٹیسٹ کیے گئے جس میں 89 افراد کا ٹیسٹ مثبت آیا ہے ۔

قومی ادارہ صحت کا کہنا ہے کہ ملک میں کورونا کیسز کی شرح 3.52 فیصد رہی جبکہ گزشتہ 24 گھنٹے کے دوران کورونا وائرس سے کسی مریض کا انتقال نہیں ہوا ۔

COVID-19 Statistics 25 March 2023
Total Tests in Last 24 Hours: 2,530
Positive Cases: 89
Positivity %: 3.52%
Deaths: 00
Patients on Critical Care: 19
(shared by NCOC-NIH)

— NIH Pakistan (@NIH_Pakistan) March 25, 2023

ملک بھر کے ہسپتالوں میں کورونا کے 19 مریضوں کی حالت تشویش ناک ہے۔

دوسری جانب نیشنل کمانڈ اینڈ آپریشنل سینٹر نے کورونا وائرس کے اچانک بڑھتے کیسز کے باعث ملک بھر میں 30 اپریل تک ماسک کے استعمال کو لازمی قرار دیا ہے۔

این سی او سی نے ہدایت جاری کی ہے کہ رش والے مقامات، اسپتالوں اور دیگر ہیلتھ کیئر سینٹرز میں بھی ماسک کا استعمال لازمی کیا جائے۔