لاہور:(دنیا نیوز) پنجاب میں سیلابی صورتِ حال کے پیش نظر 9 اضلاع میں پولیو مہم مؤخر کردی گئی۔
نیشنل ایمرجنسی آپریشنز سینٹرکی جانب سے جاری رپورٹ میں کہا گیا ہے کہ سیلاب کی صورتِ حال کے پیش نظر لاہور، شیخوپورہ، قصور، اوکاڑہ، گوجرانوالہ، سیالکوٹ، ملتان، مظفرگڑھ، بہاولپور میں پولیو مہم معطل کردی گئی ہے۔
دوسری جانب حکام کا کہنا تھا کہ راولپنڈی، اٹک، میانوالی، فیصل آباد، ڈی جی خان، راجن پور، رحیم یار خان میں مہم شیڈول کے مطابق ہوگی جب کہ ملک کے دیگر حصوں میں پولیو مہم یکم ستمبر سے مقررہ شیڈول کے مطابق شروع ہوگی۔
نیشنل ای او سی حکام نے والدین سے اپیل کی ہے کہ مہم کے دوران جب بھی پولیو ٹیم آپ کے دروازے پر آئے تو ان سے تعاون کریں اور اپنے 5 سال سے کم عمر بچوں کو پولیو کے قطرے لازمی پلوائیں۔
