مظفرآباد: (دنیا نیوز) آزاد جموں و کشمیر میں مزید 110 افراد میں ڈینگی وائرس کی تصدیق ہو گئی، سب سے زیادہ کیس مظفر آباد میں رپورٹ ہوئے۔
ڈینگی کنٹرول روم کے مطابق مظفرآباد میں ڈینگی کے مریضوں کی تعداد 2777 تک پہنچ گئی، ڈینگی وائرس سے متاثرہ دو افراد جاں بحق بھی ہوئے ہیں۔
آزاد کشمیر میں مجموعی طور پر ڈینگی وائرس سے متاثرہ مریضوں کی تعداد 3946 ہو گئی، مظفرآباد میں 2777، باغ 127 جبکہ میرپور میں 861 کیسز رپورٹ ہوئے۔
جہلم ویلی 36, نیلم 44 ، سدھنوتی 03 ، حویلی 06 جبکہ پونچھ ضلع میں 45 کیسز رپورٹ ہوئے جبکہ ضلع کوٹلی 28 اور بھمبر میں بھی 19 کیسز رپورٹ ہوئے ہیں۔
آزاد کشمیر کے مختلف ہسپتالوں میں 42 مریض زیر علاج ہیں، مزید 500 مریض ریکوری کے بعد گھر شفٹ کر دیئے گے۔
