شعبہ صحت میں ہماری کارکردگی کو عالمی سطح پر سراہا جا رہا ہے، شہباز شریف

لاہور: (دنیا نیوز) صحت کے عالمی ادارہ ڈبلیو ایچ او نے پنجاب میں انسدادِ پولیو مہم کی کامیابی پر پنجاب حکومت کے کام کی تعریف کی ہے۔ سابق وزیرِاعلیٰ پنجاب شہباز شریف نے کہا ہے کہ ہمارے پروگرام کے نتائج سب کے لئے قابلِ تقلید ہیں۔

میاں شہباز شریف نے کہا ہے کہ صحت کے عالمی ادارہ ڈبلیو ایچ او کی جانب سے پنجاب میں صحت کے شعبہ میں کئے جانے والوں کے کاموں کی برملا تعریف کی گئی ہے اور ڈبلیو ایچ او نے 6 جون 2018ء کی اپنی ٹویٹ میں پنجاب حکومت کو خراجِ تحسین پیش کیا ہے۔

سابق وزیرِاعلیٰ پنجاب کا کہنا تھا کہ ڈبلیو ایچ او نے واضح الفاظ میں حکومتِ پنجاب کی حفاظتی ٹیکوں کی پالیسی اور بچوں میں حفاظتی ٹیکے لگوانے کے پروگرام کی تعریف کی ہے اور اس سے حاصل کئے گئے اہداف کو سراہا ہے۔

Well done, Punjab! Strengthening routine immunization is critical to #EndPolio in #Pakistan and improving the health of children. #VaccinesWork via @SMUReforms pic.twitter.com/f0Tk7RBBIk

— WHO Pakistan (@WHOPakistan) June 6, 2018