لاہور: (دنیا نیوز) وزیراعظم عمران خان نے ساہیوال واقعے میں متاثرہ بچوں کی دیکھ بھال ریاست کی جانب سے کرنے کا اعلان کر دیا۔ انھوں نے سوشل میڈیا پر اپنے پیغام میں کہا کہ واقعے پر ابھی تک صدمے کی کیفیت میں ہوں، افسوس ہے بچوں نے اپنی آنکھوں کے سامنے والدین کو مرتے دیکھا۔
وزیراعظم نے ساہیوال واقعے سے متاثرہ خاندان کو ایک مرتبہ پھر ذمہ داروں کیخلاف کارروائی کی یقین دہانی کروائی ہے، انھوں نے اپنے ٹویٹر پیغام میں کہا کہ ملک کے ہر شہری کی حفاظت حکومت کی ذمہ داری ہے، جے آئی ٹی رپورٹ آنے پر ذمہ داروں کے خلاف سخت کارروائی ہو گی۔
While the CTD has done a great job in fight against terrorism, everyone must be accountable before the law. As soon as JIT report comes, swift action will be taken. The govt s priority is protection of all its citizens. https://t.co/Vek2YHLmKQ
— Imran Khan (@ImranKhanPTI) January 20, 2019
عمران خان کا کہنا تھا کہ کوئی بھی والدین ایسی صورتحال کے تصورسے پریشان ہوجائیں گے، ساہیوال واقعے پر تاحال صدمے کی کیفیت میں ہوں، افسوس ہے بچوں نے اپنی آنکھوں کے سامنے والدین کو مرتے دیکھا۔ انھوں نے کہا کہ بچوں کی کفالت اب ریاست کرے گی۔
