لاہور: (دنیا نیوز) پنجاب اسمبلی میں اپوزیشن لیڈر میاں حمزہ شہباز شریف نے کہا ہے کہ نیب اور نیازی کی گیدڑ بھبکیوں سے نہیں ڈرتا، منی لانڈرنگ کا غلیظ دعویٰ غلط ثابت ہوگا۔
لاہور میں میڈیا سے گفتگو میں حمزہ شہباز شریف نے کہا کہ ملک کی معاشی حالات تشویشناک ہے۔ ہم نے موجودہ حکومت کو موقع دیا کہ شاید یہ پرفارم کریں گے لیکن انہں نے معیشت کا بیڑہ غرق کر دیا۔
پنجاب اسمبلی میں اپوزیشن لیڈر حمزہ شہباز کا کہنا تھا کہ حکومت کے اپنے ممبران نے معاشی حالات کو تشویشناک قرار دیا ہے۔ لگتا ہے ملک کا کوئی والی وارث نہیں ہے۔ وزیراعظم معاشی حالات بہتر کرنے کے بجائے اپنے ممبران کو ٹاسک دیتے ہیں۔ ایسے بیانات شرمناک ہیں۔
یہ بھی پڑھیں: آمدن سے زائد اثاثوں کا کیس، نیب نے حمزہ شہباز کو طلب کرلیا
ان کا کہنا تھا کہ قوم مہنگائی کی آگ میں جل رہی ہے لیکن عمران خان شریف خاندان کے بغض میں دن رات جل رہے ہیں۔ نواز شریف، شہباز شریف اور خواجہ برادران کو گرفتار کیا گیا۔
