لاہور: (دنیا نیوز) مریم نواز نے آج ہر صورت منڈی بہاوالدین جانے کے پلان پر عملدرآمد کرتے ہوئے روانگی اختیار کر لی جہاں وہ عوامی جلسے سے خطاب کریںگی. اس سے پہلے ٹویٹ بھی کر دیا کہ خوف انسان کو نہ چین سے حکومت کرنے دیتا ہے نہ جینے دیتا ہے، بیچارے. لیگی رہنما مریم اورنگزیب کا کہنا ہے کہ ایک سو بیس دن ملک بند رکھنے والے کو ایک جلسے سےا تنا خوف ہے.
سابق وزیراعظم نوازشریف کی صاحبزادی مریم نواز نے منڈی بہاوالدین جانے کا عزم ظاہر کرتے ہوئے رائیونڈ سے روانہ ہو گئیں۔ شہر میں آج ن لیگ کا جلسہ شیڈول ہے تاہم حکومت کی جانب سے جلسہ گاہ میں پولیس کی تعیناتی اور لیگی کارکنوں کی گرفتاریوں کے بعد لیگی قیادت متبادل مقام پر جلسے کا جائزہ لے رہی ہے۔
مریم نواز نے حکومت کی جانب سے جلسے میں رکاوٹیں کھڑی کرنے پر سوشل میڈیا پیغامات جاری کر دیئے جس میں انھوں نے عمران خان کو تنقید کا نشانہ بناتے ہوئے کہا کہ مانگے تانگے کی کرسی پر مرنے والے کام نہیں کر سکتے تو جھوٹی باتیں کیوں کرتے ہیں۔ انھوں نے وزیراعظم عمران خان کو مخاطب کرتے ہوئے کہا کہ تم تو کہتے تھے احتجاج کیلئے کنٹینر دوں گا، اب نکلی ہوں تو ڈرتے کیوں ہو۔
مانگے تانگے کی کرسی پر مرتے کیوں ہو؟
— Maryam Nawaz Sharif (@MaryamNSharif) July 7, 2019
عمل نہیں تو جھوٹی باتیں کرتے کیوں ہو؟
کہتے تھے آؤ میں کنٹینر دوں گا
میں جو نکلی ہوں تو ڈرتے کیوں ہو ؟#MandiBahauddin pic.twitter.com/FdMQY8NXuR
اس سے پہلے اپنے دوسرے ٹویٹر پیغام میں انھوں نے کہا تھا کہ "خوف انسان کو چین سے جینے بھی نہیں دیتا"۔ انھوں نے ساتھ ہی خوف کھانے والوں کیلئے "بے چارے" کا لفظ بھی استعمال کیا۔
خوف انسان کو نا چین سے حکومت کرنے دیتا ہے نا چین سے جینے دیتا ہے ! بیچارے ! pic.twitter.com/KQtKFfcqoO
— Maryam Nawaz Sharif (@MaryamNSharif) July 7, 2019
مریم نواز نے ٹویٹر پر لیگی کارکنان کی پکڑ دھکڑ سے متعلق دنیا نیوز کے سکرین شاٹس بھی شامل کئے۔ مریم نواز کے مطابق حکمران ن لیگ کے جلسے سے خوفزدہ ہو کر کارکنان کو گرفتار کر رہی ہے۔ ان کا کہنا تھا کہ " خوف انسان کو چین سے حکومت بھی نہیں کرنے دیتا"۔
