تازہ ترین
  • بریکنگ :- کوئٹہ اورلسبیلہ کےعلاوہ بلوچستان کے 32اضلاع میں بلدیاتی الیکشن آج ہوں گے
  • بریکنگ :- بلدیاتی انتخابات کےلیےبیلٹ پیپرزاورانتخابی میٹریل کی ترسیل کاعمل مکمل
  • بریکنگ :- پولنگ صبح 8بجےسےشام 5بجےتک بغیرکسی وقفےکےجاری رہےگی
  • بریکنگ :- کوئٹہ:7 میونسپل کارپوریشن،838یونین کونسلزمیں پولنگ ہوگی
  • بریکنگ :- کوئٹہ:5ہزار345دیہی وارڈاور9ہزار14شہری وارڈکےلیےپولنگ ہوگی
  • بریکنگ :- کوئٹہ:35لاکھ52ہزار298ووٹرز اپنا حق رائے دہی استعمال کریں گے
  • بریکنگ :- کوئٹہ:20لاکھ 6ہزار274مرداور15لاکھ46ہزار124خواتین ووٹرزہیں
  • بریکنگ :- کوئٹہ:32اضلاع میں 5ہزار226پولنگ اسٹیشنزقائم
  • بریکنگ :- کوئٹہ:2ہزار54پولنگ اسٹیشنزانتہائی حساس،ایک ہزار974حساس قرار
  • بریکنگ :- الیکشن میں16 ہزار195امیدوارمدمقابل،102 امیدواربلامقابلہ منتخب
  • بریکنگ :- کوئٹہ:پولنگ اسٹیشنزپرپولیس،لیویزاورایف سی کےجوان تعینات ہوں گے

کشمیریوں کی آواز دنیا تک پہنچانے کا عزم لیے وزیراعظم امریکا پہنچ گئے

Last Updated On 21 September,2019 10:25 pm

نیو یارک: (دنیا نیوز) وزیراعظم اقوام متحدہ کے اجلاس میں شرکت اور کشمیریوں کی آواز دنیا تک پہنچانے کے لیے امریکا پہنچ گئے، وزیر خارجہ شاہ محمود قریشی، مشیر خزانہ حفیظ شیخ، سیّد زلفی بخاری بھی ہمراہ ہیں۔ عمران خان روز ویلٹ ہوٹل میں قیام کرینگے۔

دنیا نیوز کے مطابق وزیراعظم امریکا پہنچے تو اقوام متحدہ میں پاکستان کی مستقل مندوب ملیحہ لودھی اور امریکا میں پاکستانی سفیر ڈاکٹر اسد مجید نے ان کا استقبال کیا۔ عمران خان روز ویلٹ ہوٹل میں قیام کرینگے۔

اُدھر دفتر خارجہ نے دورہ امریکا کی تفصیلات جاری کر دی ہیں جس کے مطابق وزیراعظم 27 ستمبر تک امریکا میں قیام کریں گے، دورے کے دوران جنرل اسمبلی اجلاس میں 27 ستمبرکو خطاب کریں گے۔

ترجمان دفتر خارجہ کے مطابق عمران خان امریکی صدر ڈونلڈ ٹرمپ سمیت متعدد ممالک کے سربراہان سے ملاقاتیں کریں گے، موسمیاتی تبدیلی، پائیدار ترقی سے متعلق اجلاسوں میں شرکت کریں گے، صحت عامہ، سرمایہ کاری سے متعلق اجلاسوں میں شرکت بھی کریں گے۔

ڈاکٹر محمد فیصل کے مطابق وزیراعظم پاک، ترک، ملائیشیا سہ فریقی سمٹ سے خطاب کریں گے، عالمی میڈیاکےنمائندوں سے ملاقاتیں کریں گے، انسانی حقوق کے عالمی اداروں سے بھی شیڈول میں شامل ہے۔

دفتر خارجہ کے مطابق وزیراعظم مسئلہ کشمیر پر پاکستانی موقف پیش کریں گے، مقبوضہ کشمیرمیں مظالم کے بارے میں دنیا کو بتائیں گے جبکہ وزیرخارجہ شاہ محمود قریشی جنرل اسمبلی اجلاس میں شرکت کریں گے، متعددممالک کے ہم منصب سے ملاقاتیں بھی شیڈول ہیں۔

ڈاکٹر محمد فیصل کے مطابق شاہ محمود قریشی وزرائے خارجہ کے اہم اجلاس سے خطاب کریں گے، وزیرخارجہ او آئی سی کے کشمیر رابطہ گروپ سے بھی خطاب کریں گے۔