کراچی: (دنیا نیوز) کراچی ائیرپورٹ پر ایف آئی اے امیگریشن کاونٹر پر عملے کی کمی کی وجہ سے مسافروں کی لمبی قطاریں لگ گئی، بیرون ملک جانیوالے مسافروں کو شدید پریشانی کا سامنا کرنا پڑا۔
کراچی ایئرپورٹ پرمسافروں کا رش، امیگریشن کاونٹر پر مسافروں کی لمبی قطاریں لگ گئیں۔ ذرائع کے مطابق امیگریشن کاونٹر پر عملے کی کمی کی وجہ سے بیرون ملک جانیوالے مسافر خوار ہوگئے جبکہ پروازوں کی روانگی میں تین گھنٹے سے زائد تاخیرہوئی۔
امیگریشن کاونٹر پرایف آئی اے کا عملہ ایک مسافر کی امیگریشن کرنے میں پانچ سے دس منٹ لگاتا رہا جس کے سبب ایف آئی اے امیگریشن عملے کی سست روی کی وجہ سے مسافروں کی طویل قطاروں کو انتظار کرنا پڑا۔
بورڈنگ کا عمل بھی متاثر رہا، پی آئی اے سمیت دیگرایئرلائن متعدد بار ایف آئی اے کو شکایت کر چکی ہیں لیکن کوئی عمل درآمد نہیں ہورہا، ایف آئی اے امیگریشن کاونٹر پر کھڑے ہونے والوں میں بزرگ، خواتین اور بچے بھی شامل تھے۔
