اسلام آباد: (دنیا نیوز) اسلام آباد کی جناح سپر مارکیٹ میں واقع ایک ریسٹورنٹ میں گیس لیکج سے آگ لگ گئی۔ حادثے میں 13 افراد جھلس گئے جن کو فوری طور پر ہسپتال منتقل کردیا گیا۔
اسلام آباد کے پوش سسیکٹر ایف سیون کی جناح سپر مارکیٹ کے ایک ریسٹورنٹ میں گیس لیکج دھماکے کے بعد آگ لگ گئی جس کے باعث ریسٹورنٹ میں موجود 13 افراد جھلس گئے جن کو پمز ہسپتال منتقل کر دیا گیا۔
دھماکے سے ریسٹورنٹ کو شدید نقصان پہنچا، فائربریگیڈ اور دیگر امدادی اداروں نے آگ پر قابو پا لیا۔ حادثے کے نتیجے میں زخمی ہونے والے 13 افراد کی حالت اب خطرے سے باہر بتائی جاتی ہے۔
