کوئٹہ: (دنیا نیوز) کوئٹہ میں چند گھنٹوں کے دوران گیس لیکج کے دو دھماکے ہوئے جن میں 6 افراد جھلس کر زخمی ہوگئے، زخمیوں میں خاتون اور ایک بچہ بھی شامل ہے۔
پولیس کے مطابق کوئٹہ کے نواحی علاقے سریاب روڈ خلجی کالونی اور عیسٰی نگری میں چند گھنٹوں کے دوران گیس لیکج کے باعث 2 دھماکے ہوئے جس کے نتیجے میں چار مرد، ایک خاتون اور بچہ جھلس کر زخمی ہو گئے۔
زخمیوں کو فوری طورپر ایدھی ایمبولینسز کے ذریعے بولان میڈیکل کمپلیکس ہسپتال منتقل کیا گیا جہاں برن واڈ میں انہیں طبی امداد فراہم کی گئی۔ ڈاکٹرز کےمطاق زخمیوں کی حالت خطرے سے باہر ہے۔
واضح رہے کہ کوئٹہ میں سردیوں کے دوران گیس پریشر میں کمی اور بندش کے باعث واقعات رونما ہو رہے ہیں۔
