لاہور: (دنیا نیوز) محکمہ موسمیات نے بدھ سے جمعہ کے دوران خیبر پختونخوا، پنجاب کے تمام اضلاع، اسلام آباد اور کشمیر میں تیز ہواؤں اور گرج چمک کے ساتھ بارشکی پیشگوئی کی ہے۔
محکمہ موسمیات کے مطابق کشمیر، دیر، سوات، شانگلہ، بونیر، مانسہرہ، ایبٹ آباد، مردان، پشاور، ڈیرہ اسماعیل خان، اسلام آباد، راولپنڈی، بھکر، فیصل آباد، سرگودھا، ڈیرہ غازی خان، لیہ اور جھنگ میں بدھ اور جمعرات کے روز وقفہ وقفہ سے گرج چمک کے ساتھ موسلا دھار بارش اور ژالہ باری کا امکان ہے۔ ڈیرہ غازی خان کے ندی نالوں میں موسلا دھار بارش سے طغیانی کا خدشہ ہے۔
پنجاب اور خیبر پختونخوا میں گندم کی فصل کے لیے مزید بارشیں ناسازگار ہیں۔ منگل سے بدھ کے روز چاغی، قلات، مستونگ، کوئٹہ، قلعہ عبداللہ، قلعہ سیف اللہ، زیارت، ژوب، پشین، ہرنائی، موسی خیل، بارکھان، لاڑکانہ، سکھر، جیکب آباداور شکارپور میں تیز ہواؤں اور گرج چمک کے ساتھ بارش کا امکان جبکہ اس دوران بعض مقامات پر موسلا دھار بارش کی بھی توقع ہے۔
