اسلام آباد: (دنیا نیوز) وفاقی کابینہ نے خیبرپختونخوا میں پاک فوج تعینات کرنے کی منظوری دے دی، کے پی حکومت نے سول انتظامیہ کی مدد کے لیے وفاق سے فوج تعینات کرنے کی درخواست کی تھی۔
ذرائع کے مطابق وزارت داخلہ نے کابینہ سے خیبرپختونخوا میں فوج تعینات کرنے کی منظوری لے لی، کابینہ نے سرکولیشن سمری کے ذریعے خیبرپختونخوا میں فوج تعینات کرنے کی منظوری دی، کابینہ کی منظوری کے بعد پاک فوج سول انتظامیہ کی مدد کے لیے خیبرپختوخوا میں تعینات ہوگی، کے پی حکومت نے کورونا وائرس سے نمٹنے کے لیے فوج کی مدد طلب کی تھی۔
