راولپنڈی: (دنیا نیوز) بھارتی فوج کی ہٹ دھرمی برقرار ہے، کنٹرول لائن پر ایک بار پھر شہری آبادی کو نشانہ بنایا، بھارتی فوج کی گولہ باری سے نوجوان شہید ہوگیا۔ پاک فوج کے منہ توڑ جواب پر دشمن کی بندوقیں خاموش ہو گئیں۔
آئی ایس پی آر کے مطابق بھارتی فوج نے لائن آف کنٹرول کے لیپہ سیکٹر میں جان بوجھ کر سول آبادی کو بھاری ہتھیاروں سے نشانہ بنایا گیا۔ بھارتی اشتعال انگیزی کے نتیجے میں تلواری گاوں کا ایک بچہ جام شہادت نوش کر گیا۔
Indian troops unprovoked CFV targeting civil population using Artillery, Mortars & heavy weapons in Lipa Sector along #LOC late last night. A young boy resident of Talwari village martyred due to Indian indiscriminate firing. Pakistan Army responded effectively to Indian firing.
— DG ISPR (@OfficialDGISPR) July 1, 2020
پاک فوج نے موثر جوابی کارروائی کرتے ہوئے بھارتی چیک پوسٹوں کو نشانہ بنایا جس سے دشمن کی بندوقیں خاموش ہوگئیں۔ بھارت کی جانب سے رواں سال ایل او سی پر اب تک 1546 مرتبہ جنگ بندی معاہدے کی خلاف ورزیاں کی گئی ہیں، اس دوران 14 افراد شہید جبکہ 114 زخمی ہوئے۔
