لاہور: (دنیا نیوز) اسد کھوکھر کو پنجاب کابینہ سے فارغ کر دیا گیا، ان کے پاس جنگلی حیات کی وزارت تھی۔ اسد کھوکھر کا کہنا تھا کہ ذاتی وجوہات کے سبب فرائض انجام نہیں دے سکتا.
وزیراعظم عمران خان کے دورہ لاہور کے بعد ایکشن، اسد کھوکھر کو وزارت سے ہٹا دیا گیا۔ انہیں وزیر بنانے پر پہلے ہی شدید مخالفت سامنے آئی تھی اور وزیر بننے کے باوجود کوئی محکمہ نہیں دیا گیا تھا۔ اسد کھوکھر کو چند ماہ قبل ہی جنگلی حیات کا قلمدان سونپا گیا تھا تاہم اب انہیں وزارت کے منصب سے ہٹا دیا گیا ہے۔
اسد کھوکھر نے اپنے موقف میں کہا ہے کہ وزارت سے خود استعفی دیا، ذاتی وجوہات کی بنا پر فرائض سر انجام نہیں دے سکتا۔ دوسری جانب وزیراعلی پنجاب عثمان بزدار نے اسد کھوکھر کا استعفی منظور کر لیا ہے۔ واضح رہے کہ وزیراعظم کے دورہ لاہور کے بعد 2 بیوروکریٹس کو بھی عہدے سے ہٹایا گیا ہے۔
