لاہور: (دنیا نیوز) اپوزیشن لیڈر شہباز شریف نے اپنے بیان پر معذرت کرتے ہوئے کہا ہے کہ قومی اسمبلی میں خطاب کے موقع پر اپنی بات مناسب طریقے سے نہ کہہ سکا۔
شہباز شریف کا سماجی رابطوں کی ویب سائٹ ٹویٹر پر جاری بیان میں کہنا تھا کہ میری بات سے جو تاثر ابھرا، میرا وہ مطلب نہیں تھا۔ صحیح طور پر بات نہ کر سکنے سے بے حسی کا تاثر بنا۔
اپوزیشن لیڈر نے کہا کہ موٹروے واقعہ پر انتہائی افسردہ ہوں۔ امید ہے کہ حکومت اب سیالکوٹ موٹروے پر شہریوں کی حفاظت یقینی بنائے گی۔ موٹروے زیادتی کا واقعہ دل دہلا دینے والا تھا۔
Couldn’t properly contextualize my comment during NA speech & it came across as insensitive. I didn’t mean it that way & am sincerely sorry for it. I’m devastated like all of u on this unfortunate incident. Hope Govt now provides security on Sialkot motorway 4 safety of citizens!
— Shehbaz Sharif (@CMShehbaz) September 15, 2020
خیال رہے کہ شہباز شریف نے اپنی تقریر میں حکومت کو تنقید کا نشانہ بناتے ہوئے کہا تھا کہ چونکہ یہ اندوہناک واقعہ سیالکوٹ موٹروے پر پیش آیا، تو میں سمجھتا ہوں کہ یہاں پر یہ کہنا غیر مناسب نہیں ہوگا کہ یہ موٹروے بھی میاں نواز شریف کی سربراہی میں مسلم لیگ (ن) نے بنائی۔
