کراچی: (دنیا نیوز) کراچی میں پھر آگ کے شعلے بھڑک اٹھے، لانڈھی ایکسپورٹ پروسیسنگ زون میں لگنے والی آگ سے عمارت کا ایک حصہ زمین بوس ہوگیا۔
لانڈھی ایکسپورٹ پروسیسنگ زون میں لگنے والی آگ سے ملحقہ فیکٹری بھی لپیٹ میں آگئی، فائر بریگیڈ کی چھ گاڑیاں قابو پانے میں مصروف ہیں۔ ایم ڈی واٹربورڈ کے مطابق واٹر بورڈ کے لانڈھی شیر پاؤ ہائیڈرنٹ پر ایمر جنسی نافذ کر دی گئی، آگ تیسرے درجہ کی ہے۔
سیکریٹری ایکسپورٹ پروسیسنگ یونٹ ناصر ہدایت نے کہا آگ کو مزید پھیلنے سے روک دیا گیا، تیز ہوا کی وجہ سے آگ زیادہ پھیلی۔ کراچی میں رات گئے مزید تین مقامات پر بھی آتشزدگی کے واقعات پیش آئے۔
