لاہور: (دنیا نیوز) وزیراعلی پنجاب کی معاون خصوصی اطلاعات ڈاکٹرفردوس عاشق اعوان نے کہا ہے کہ پسماندہ علاقوں کی ترقی بزدار حکومت کا عزم ہے، وزیراعلی نے راجن پور کی تعمیر و ترقی کیلۓ 15ارب روپے کے تاریخی پیکج کا اعلان کیا ہے۔
ڈاکٹر فردوس عاشق اعوان نے اپنے ٹویٹ میں کہا کہ راجن پور میں یونیورسٹی کا قیام، گرلز ڈگری کالج روجھان، ڈسٹرکٹ ہیڈکوارٹر ہسپتال میں ٹراما سنٹر کا اعلان کیا گیا ہے۔ فاضل پور اور کوٹ مٹھن میں ریسکیو 1122 سنٹر، داجل اور فاضل پور کے رورل ہیلتھ سنٹرز کی اپ گریڈیشن کی جائے گی۔
ہیڈکوارٹر ہسپتال میں ٹراما سنٹر، فاضل پور اور کوٹ مٹھن میں ریسکیو 1122 سنٹر، داجل اور فاضل پور کے رورل ہیلتھ سنٹرز کی اپ گریڈیشن
— Dr. Firdous Ashiq Awan (@Dr_FirdousPTI) February 7, 2021
» 300ملین روپے لاگت سے 34ویٹرنری کلینکس
» سیوریج،ڈرینج سسٹم کیلئے400 ملین
» تحصیل کمپلیکس روجھان کیلئے 80ملین
» 16ملین لاگت کےجنرل بس سٹینڈکاسنگ بنیاد
معاون خصوصی نے بتایا کہ 300 ملین روپے لاگت سے 34 ویٹرنری کلینکس، سیوریج، ڈرینج سسٹم کیلئے 400 ملین، تحصیل کمپلیکس روجھان کیلئے 80 ملین مختص کیے گئے ہیں، 16ملین لاگت کے جنرل بس سٹینڈ کا سنگ بنیاد رکھا گیا ہے جبکہ 88 ملین کی لاگت کے لائیوسٹاک سروسز ٹریننگ سنٹر فاضل پور، رکھ عظمت والا جام پور کے لئے کنٹینر کلینک کا آغاز کیا جا رہا ہے۔
راجن پور کو سابقہ حکومتوں نے جان بوجھ کر ترقی کے حق سے محروم رکھا مگر
— Dr. Firdous Ashiq Awan (@Dr_FirdousPTI) February 7, 2021
وزیراعلی عثمان بزدار دور دراز علاقوں میں جاکر عوام کے مسائل جاننے اور انکے حل کرنے کیلئے دن رات کوشاں ہیں۔
انہوں نے کہا کہ مدر اینڈ چائلڈ ہسپتال، جام پور سے کشمور 2 رویہ سڑک، دیگر سڑکوں کی تعمیر و مرمت، مورنج ڈیم کی تعمیر اور دیگر کئی اہم منصوبے راجن پور کے عوام کا معیار زندگی بہتر بنانے میں معاون ثابت ہونگے۔
فردوس عاشق اعوان نے کہا کہ راجن پور کو سابقہ حکومتوں نے جان بوجھ کر ترقی کے حق سے محروم رکھا مگروزیراعلی عثمان بزدار دور دراز علاقوں میں جاکر عوام کے مسائل جاننے اور انکے حل کرنے کیلئے دن رات کوشاں ہیں۔
