اسلام آباد: (دنیا نیوز) الیکشن کمیشن نے سینیٹ انتخابات شفاف بنانے کیلئے بیان حلفی لینے کا فیصلہ کرلیا۔ بیان حلفی میں امیدوار ٹکٹ پر پیسے نہ لینے کی یقین دہانی کرائے گا۔
الیکشن کمیشن نے کہا ہے کہ امیدوار نے اگر پارٹی ٹکٹ سے متعلق رقم دی ہے تو الیکشن کمیشن کو آگاہ کرے گا، امیدوار ووٹ کی خرید و فروخت کے لیے کسی بھی طرح پیسے کا استعمال نہ کرنے تحریری یقین دہانی کرائے گا، امیدوار انتخاب میں کرپٹ پریکٹس، آئین اور قانون کی خلاف ورزی نہ کرنے کا بیان حلفی جمع کرائے گا۔
الیکشن کمیشن کے مطابق امیدوار الیکشن کمیشن کو تحریری طور پر ضابطہ اخلاق پر عملدرآمد کی یقین دہانی کرائے گا، بیان حلفی پر امیدوار کے دستخط، انگوٹھے کے نشان اور شناختی کارڈ نمر درج ہوگا۔ امیدوار بیان حلفی اوتھ کمشنر سے تصدیق شدہ جمع کرائے گا۔
