اسلام آباد: (دنیا نیوز) وزیراعظم عمران خان نے ہندو برادری کو ہولی کے تہوار پر مبارک باد دی ہے۔
وزیراعظم عمران خان نے سوشل میڈیا ویب سائٹ ٹویٹر پر ہندو برادری کی خوشیوں میں شریک ہوتے ہوئے کہا کہ ہماری ہندو برادری کو ہولی کا رنگوں بھرا تہوار بہت مبارک ۔
ہماری پوری ہندو برادری کو ہولی کا رنگوں بھرا تہوار بہت مبارک۔
— Imran Khan (@ImranKhanPTI) March 28, 2021
دوسری جانب وزیراعلیٰ بلوچستان جام کمال نے بھی ہولی کے تہوار پر ہندو برادری کو مبارکباد دی، ان کا کہنا تھا کہ بہار کی آمد پر رنگوں کا تہوار خوشی اور امن کا پیغام دیتا ہے۔
واضح رہے کہ ہندو برادری آج موسم بہار کی آمد کے حوالے سے ہولی کا تہوار منا رہی ہے جس کے دوران رنگ برنگے پکوان تیار کرنے کے علاوہ ایک دوسرے پر رنگ پھینک کر خوشیاں منائی جاتی ہیں۔
