پاکستان میں کوئی امریکی ایئربیس نہیں، خبریں بے بنیاد ہیں: دفتر خارجہ

اسلام آباد: (دنیا نیوز) ترجمان دفتر خارجہ کی جانب سے پاکستان میں امریکی ایئر بیس کی خبروں کو بے بنیاد قرار دیتے ہوئے کہا ہے کہ ان باتوں میں کسی قسم کی کوئی صداقت نہیں ہے۔

ترجمان دفتر خارجہ زاہد حفیظ چودھری نے میڈیا میں زیر گردش خبروں کی وضاحت دیتے ہوئے کہا ہے کہ پاکستان میں کوئی بھی امریکی بیس نہیں ہے، ایسی کوئی تجویز زیر غور تھی نہ ہے۔ پاکستان میں امریکی بیس سے متعلق قیاس آرائیاں بے بنیاد ہیں۔

Pakistan and the U.S. have a framework of cooperation in terms of Air Lines of Communication (ALOC) and Ground Lines of Communication (GLOC) in place since 2001. No new agreement has been made in this regard. 2/2

— Zahid Hafeez Chaudhri (@Zhchaudhri) May 24, 2021

دفتر خارجہ کی جانب سے جاری بیان میں کہا گیا ہے کہ ایسے بیانات سے گریز کرنا چاہیے۔ پاکستان اور امریکا کے درمیان 2001ء سے ایئر لائن آف مواصلات فریم ورک ہے۔

ان کا کہنا تھا کہ دونوں ملکوں کے درمیان 2001ء سے ایئر لائن آف کمیونی کیشن (اے ایل او سی) اور گراؤنڈ لائنز آف کمیونی کیشن (جی ایل او سی) کوآپریشن ہے۔ پاکستان نے امریکا کیساتھ کوئی نیا معاہدہ نہیں کیا۔