یہ بات اطلاعات و نشریات کے وفاقی وزیر فواد چودھری نے اسلام آباد میں وزیراعظم عمران خان کی زیر صدارت ہونے والے کابینہ کے اجلاس میں ہونے والے فیصلوں کے حوالے سے صحافیوں کو بریفنگ دیتے ہوئے کہی۔

فواد چودھری نے کہا کہ تقریباً چالیس لاکھ نوجوان اپنے کاروبار قائم کرکے اس اقدام سے مستفید ہوں گے جس کے نتیجے میں ملک کی معیشت مضبوط ہوگی۔ انہوں نے کہا کہ اس پروگرام میں نوجوان صحافیوں کو بھی شامل کیا جائے گا۔

انہوں نے کہا کہ کابینہ کو بتایا گیا کہ سعودی عرب میں قید تئیس پاکستانی قیدی وطن واپس پہنچ گئے ہیں۔ وزیراعظم نے واضح احکامات دیئے ہیں کہ دفتر خارجہ کے عملے کی کارکردگی کو بیرون ملک مقیم پاکستانیوں کی تسلی کے حوالے سے جانچا جائے گا۔